PRO-11 nagmasulob-on sa pagkawagtang sa mga police sa drug operation sa ikaduhang higayon

DAVAO CITY – Nagmasulob-on ang Police Regional Office (PRO) Eleven nga gumikan lamang sa pipila ka mga buloyagon nga mga police, sa ikaduhang higayon subling gibawi gikan kanila ang pagpatuman sa kampanya batok sa illegal nga druga.

Sumala pa kang PRO-11 Director Chief Supt. Manuel Gaerlan nga nagkahulogan na kini nga si Pangulong Rodrigo Duterte ang pinaka-apektado sa binuhatan sa pipila ka mga police nga posibling nahilambigit sa extra judicial killings (EJK).

Dugang pa ni Gaerlan nga sagol sab ang gibati sa iyang mga ginsakpan, apan kombensido nga ang Philippine Drug Enforcement Agency (PDEA) gayud ang dunay dakung katungod sa pagpatuman sa ‘war on drugs’.

Dugang pa ni Gaerlan nga nanghinaut na lamang sila nga magpadayon gihapon ang pagsalig sa publiko sa kapolisan.

Malaumon ang opesyal nga matutukan pa gihapon sa kapolisan ang pagpitol sa street crimes sa rehiyin unse ug pag-imbestiga sa mga kaso sa pagpamatay gumikan kay dili sila mamahimong ma-okopado sa paglusad ug anti-illegal drugs operation.