DAVAO CITY – Naglaom ang Indigenous People (IP) leaders nga mapalabang ang Bangsamoro Basic Law sa kongreso nga mohatag ug katungod sa ilang mga yutang kabilin.
Una ng gibutyag ni Mindanao Indigenous Peoples Legislative Assembly (MIPLA) representative Alim Bandara, sa Upi, Maguindanao, nga unta ilakip ang katungod sa mga lumad sa gidusong BBL.
Dugang ni Bandara nga welcome alang kanila ang bisan unsa man nga outcome sa ilang sugyot ilabi na nga nag-unang tumong sa maong sugyot mao ang pag-angkon sa kalinaw sa Mindanao.
Gitataw sab ni Santos Usmad, tigpamaba sa MIPLA representatives, kinahanglan nga dili i-violate ang Indigenous Peoples’ Rights Act (IPRA).
Gitataw sab ni Jonato Macudab, deputy governor for indigenous people, nga ang maong lakang sa IPs dili usa ka anti-MILF o Bangsamoro, inay usa kini pamaagi aron nga suportahan ang BBL ilabi na nga gikonsidera ang ilang mga katungod sa probisyon sa maong balaudnon.
