DAVAO CITY – Gikompirma ni Fire Officer Three (FO3) Marvin Avelino, Fire Invesatigator sa Talomo Fire Station nga electrical ang hinongdan sa dakung sunog nga miigo sa Sto. Niño, Bulosan, Central Park Subdivision, Bangkal, ning dakbayan sa Davao kaganinang alas 8:30 sa buntag.
Sumala pa kang FO3 Avelino nga sa balay nila ni Rey Botoya nga gipoy-an sa iyang tulo ka mga anak nagsugod ang sunog.
Sa kakalit sa panghitabo wala na makapanghipus ang pamilya, bisan ang ilang mga silingan.
Kalakip sa mga pamilya nga nabiktima mao ang iyang ni Rey Butaya, Roel dela Peña, Roel Abalgu, Eleneto Suako, Marlon Lanusa kang kinsa mga balay giisiip nga totally damage.
Samtang ang pinoy-anan ni Elioro Linazu giila nga partially damage lamang.
Misugod ang sunog alas 8:30 sa buntag ug nakontrola ug hingpit nga napalong ang sunog mga alas 9:30 sa buntag.
