DAVAO CITY – Gitino sa usa ka opisyal sa Mindanao Development Authority (Minda) nga wala pa silay nadawat nga report nga adunay mga investors nga nag-back out gumikan sa deklarasyon sa martial law ug sa nagpadayon nga krisis sa Marawi.
Matud pa kang Assistant Secretary Romeo Montenegro, Minda Deputy Executive Director, nga sagad sumala pa sa mga business chambers sa Mindanao ang nagpahayag nga “business as usual” sa ilang mga areas.
Hinuon wala gilimud sa nahisgutan nga mas apektado karon ang sektor sa turismo sa Mindanao human ang nahimong pahayag ni Davao City Tourism Operations Office head Generose Tecson nga nakasinate ug P40 milyones ka pesos nga revenue loss ang mga nag-unang economic centers sa dakbayan sa Davao ug Cagayan de Oro City pipila ka adlaw human ang deklarasyon sa Martial Law.
