-- ADVERTISEMENT --
DAVAO CITY – Milampus ang singko mil ka mga kapolisan sa tibuok rehiyon nga gipakatag atol sa unang adlaw sa klase niining adlawa sa mga pampublikong tulongha-an.
Mipahimutang ang Police Regional Office (PRO) Eleven ug mga police assistance center.
Nasayran gikan kang Police Senior Inspector Andrea dela Cerna, tigpamaba sa PRO-11 nga gawas sa mga police kinahanglan nga ang publiko mismo ang magmabinantayon sa ilang palibot.
Dugang pa ni Dela Cerna nga kung dunay makita nga katahapan nga butang kinahanglan nga i-report dayon kini ngadto sa kapolisan sulod sa tulongha-an.
Mipahimutang sab ug police assistant desk ang Davao City Police Office ug naka-full alert status kini ug gi-seguro nga luwas ang pagsugd sa klase sa tibuok dakbayan.
-- ADVERTISEMENT --
