DAVAO CITY – Gipasi-atab sa Davao City Police Office – Traffic Group nga wala’y bisan usa ka police personnel niini ang nagpositibo sa gipahigayon nga surprise drug test nga gipahigayon DCPO gym, sa Camp Captain Domingo E. Leonor.
Nasayran gikan kang DCPO-TG Chief Superintendent Ernesto Castillo nga sa 82 ka mga personahe, nga gipailalum sa drug test, tan an sila nag-negatibo sa ethamphetamine hydrochloride, o mas naila nga shabu, ug uban pa nga mga illegal drugs.
Nagkahulogan sumala pa kini nga ang ilang mga uniformed personnel disiplinado ug nagatuman sa balaod.
Dunay kinatibuk-an nga 90 ka mga personahe ubos sa DCPO-TG apan 82 lamang ang ang nakapailalum sa surprise drug test gumikan kay ang duha nagsakit, tulo ang gi-distino isip security escorts ug ang nahabilin nga tulo nagtungha sa dihang gipahigayon ang drug test.
Sumala pa kang Castillo nangita pa sila ug higayon aron nga ikapa-ilalum pa gihapon sa drug test ang mga wala napa-ilalum nga mga personahe.
