DAVAO CITY – Mokabat ngadto sa napulo ka mga balay ang gilamoy sa kalayo pasado alas tres kaganinang kaadlawon sa Lower Madapo Bankerohan ning dakbayan sa Davao.
Bisan nga paspas nga naka-responde ang mga sakop sa Bureau of Fire Protection (BFP), naugdaw pa gihapon ang nasunog nga mga pinuy-anan gumikan kay sagad niini ang gama lamang sa mga light materials.
Nalisdan sab nga makasulod sa lugar ang mga kabomberohan tungod sa kahuot sa dalan.
Samtang mapasalamaton ang usa ka Rio Collera gumikan kay sa taas nga bahin lamang sa ilang pinuy-anan ang nasunog ug wala na nahilakip ang ubos nga bahin.
Gikanayong nagsugod sumala pa ang sunog sa ilang silingan nga adunay internet cafe.
Hinuon walay gikatalang casualty ang mga otoridad samtang padayon pa nga gisubay karon sa BFP ang hinungdan sa sunog ingon man ang kinatibuk-ang danyos sa insidente.
