DAVAO CITY – Walay nakitang foul play ang kapulisan sa Talomo kalabot sa kamatayon sa usa ka lalaki nga naghikog sa bakanteng luna sa Matina pangi ning dakbayan sa Davao kagahapong adlawa.
Una ng naila ang biktima nga si Miguel Gerbelinggo, temporaryo nga nanimuyo sa nahisgutan nga lugar, minyo, usa ka utility man ug lumad nga taga Sta. Maria.
Gikanayong alas sais kagahapon sa buntag dihang nakaplagan sa iyang mga silingan nga nagbitay na ang biktima sa punoan sa kahoy diin gigamit niini sa paghikog ang pisi nga iyang gihigot sa iyang liog hinungdan nga dali sila nga nanawag sa central 911.
Gisulayan pa pagluwas si Miguel apan nakabsan na kini sa iyang kinabuhi.
Gikuha gilayon sa iyang mga kabanay ang patay’ng lawas sa nahisgutan ug gidala sa ilang pinuy-anan sa Sta. Maria.
Dili pa sab matino sa otoridad ang hinungdan sa pagpakamatay sa biktima.
