DAVAO CITY – Nangandam na ang Department of Education (DepEd) 11 alang sa ipahigayon nga mandatory drug test sa mga magtutudlo karung abli sa klase.
Gawas sa mga nahisgutan, buot sab sa ahensiya nga mopailalom sa susama nga test ang mga tinun-an partikular na ang mga Senior High School students nga sagad malambigit sa paggamit ug ginadili nga droga.
Matud pa kang Jenelito Dodong Atillo ang tigpamaba sa DepEd 11, makadismaya sumala pa nga huna-hunaon nga adunay mga magtutudlo nga nadakpan human na nag-sideline ug pagpamaligya ug illegal drugs hinungdan nga na-awhag sila nga mas maayong ipailalom sa drug test ang tanan nga mga magtutudlo.
Hinuon wala sumala pa kini problema sa mga maestra ingon man sa mga tinun-an gumikan kay alang lamang matud pa kini sa ilang kaayohan.
