DAVAO CITY – Naka-full alert lamang gihapon ang Calinan Police tulo ka adlaw human gi-atake sa mga rebelde ang Lorenzo Farms sa Calinan niadtong Sabado sa kaadlawon.
Sumala pa kang Police Chief Inspector Carlito Apelat, hepe sa Calinan Police Station wala una niya gitugtan nga maka-uli ang iyang mga sakop isip paghigpit sa pagbantay batok sa posibling panimalos sa mga rebelde.
Nasayran nga balhug na sa bilanggo-an ang gikatahapang rebeldeng NPA nga nadakpan sa mga police ug sa mga NPA sa Lorenzo Farm, samtang ang lain pang NPA samdon ug padayon ngta gitambalan sa SPMC.
Sumala pa kang Apelat nga gipahayag kanila sa duha ka mga NPA nga duna sila’y duha ka mga kaubanan nga mga amasona nga napatay sa tropa sa kagamhanan apan ang patay nga lawas niini gidala sa ilang mga kaubanan padulong sa Paquibato District.
Padayon lamang gihapon ang trabaho sa mga trabahante sa Lorenzo Farms bisan kung gidabdaban ang l;ioma ka mga sakyanan sa kompanya.
