DAVAO CITY – Ipahiluna ang sais ka mga police aron nga masiguro ang kahapsay ug kalinaw ingon man ang kaluwasan sa publiko sa nagsingabot nga paghinumdom sa Semana Santa sa mosunod nga semana.
Sugdan na sa Davao City Police Office (DCPO) ang pag-deploy sa 6,150 ka mga pulis isip kabahin sa ilang Oplan Summer Vacation (Sumvac) 2017.
Matud pa kang DCPO spokesperson Senior Inspector Catherine dela Rey nga han-ay na ang plano nga ilang ipatuman karung summer diin kalakip na niini ang Holy Week diin mokabat sumala pa sa 880 ka mga pulis ang ipang ipakatag aron nga magbantay sa 31 ka mga simbabahan sa siyudad.
Gawas sa kapulisan, mamahimong kaabag nila sa pagpatuman ug seguridad ang mga sakop sa City Public Safety Company (CPSC), Mobile Patrol Group, K9-Units, Explosive Ordnance Disposal (EOD) team, ug Task Force Davao.
Dunay 2,460 ka mga pulis ang ipang-deploy sa mga pantalan ug mga nag-unang beach ug inland resorts sa dakbayan uban ang 3,691 ka mga tanod, volunteers, traffic enforcers ug mga sakop sa Barangay Peacekeeping Action Team.
Dugang ni Dela Rey nga nagpabilin karon ang full alert status sa tibuok rehiyon aron masiguro nga dili makapahimulos ang mga dautang elemento.
