DAVAO CITY – Dalagita kritikal ang kondisyon human nga nagpusil sa kaugalingon dihang gikasab-an sa inahan gumikan kay naLangan sa pagdegamo sa ilang paniudto.
Naila ang biktima nga usa ka alyas Mae, 14 anyos, estudyante, ug residente sa Matina Gravahan, SIR, New Matina, ning dakbayan sa Davao.
Padayon nga gi-obserbahan sa mga doctor sa Southern Philippines Medical Center (SPMC) Human nga nagpusil sa kaugalingon kaganina sa mga alas 12:00 ang takna sa udto sa ilang pinoy-anan.
Nasayran nga samtang anaa sulod sa ilang pinoy-anan, kuyog ang iyang inahan nga usa ka Dolorosa Dayondon Manalo, 37 anyos, uban sab sa igsuon sa iyang inahan, gikasab-an ang biktima sa inahan niini gumikan kay nalangan sa pagdegamo alang sa ilang paniudto.
Sa kasuko ug kaulaw nga gibati misulod si alyas Mae sa iyang kwarto, ug pipila ka minute ang milabay nabati na lamang ang lanog nga boto sa armas.
Sa dihang gisusi sa inahan ug sa igsuon niini, nakita na lamang nila nga nagkadugo na kini ug gituohan nga nagpusil sa kaugalingon tumong sa ulo nga bahin.
Unang gidala ang biktima sa Community Health and Development Cooperative Hospital (CHDC) hospital apan gibalhin sa Southern Philippines Medical Center (SPMC).
Sa pag-responde sa kapolisan gikan sa Talomo Police Station sa crime scene na-recover ang usa ka unit sa usa ka gamay nga revolver. Kalakip sa nakaplagan ang baseyo sa bala nga gituohan nga gikan sa nahisgutan nga armas.
