DAVAO CITY – Subling gihingusgan ni Land Transportation Office (LTO) Chairman Atty. Martin Delgra nga ang ipatuman nga phase out sa mga Public Utility Jeepney (PUJ) wala magkahulogan nga ang mga jeepney mangawagtang na. Ilisan lamang kadtong mga unit nga nag-edad na ug kinse anyos.
Kini nga pag-upgrade sa mga units ginapatuman sab sa mga bus, Taxi, PUV ug uban pang mga sakyanan nga pampasada. Tumong lamang niini nga kalikayan ang polusyon, ug mga aksidente nga resulta sa wala’y pagpakabana sa mga operators.
Gitataw ni LTO Chairman Delgra nga kini ang tumong sa ilang consaultation kagahapon dinhi sa dakbyan sa Davao aron nga mawagtang ang mga kabalaka sa mga operators.
Una nang gikabalak-an nga ang paghimong modern sa mga de pasahero nga mga sakyanan mao ang pagpuli sa usa ka bag-o nga transport system.
Sumala pa kang Atty. Martin Delgra nga atol sa ilang pagpahigayon ug konsultasyon kagahapon, namalakpak ang mga transport operator human mapasabot nga pagbag-o lamang sa ilang karaan na nga mga PUJ ug uban pa nga mga depasahero nga mga sakyanan ang tumong ug tuyo sa LTO.
