DAVAO CITY – Nanawagan karon ang Mindanao Migrants Center for Empowering Actions, Inc. (MMCEAI) Davao ngadto kang Pangulong Rodrigo duterte nga luwason ang usa ka Mindanaoan Overseas Filipino worker (OFW), nga gisentensiyahan ug silot kamatayon sa United Arab Emirates (UAE).
Una ng gibutyag sa Department of Foreign Affairs (DFA), nga nag-atubang karon ug silot kamatayon ang usa ka 30 anyos nga si Jennifer Dalquez nga taga General Santos City human nga iyang napatay ang iyang employer kaniadtong milabay nga Disyembre 7, 2014.
Hinuon gibutyag sa ahensiya nga mitabang ang Philippine Embassy sa UAE kang Dalquez aron nga i-apela ang sentensiya batok kaniya.
Nasayran nga biktima sumala pa si Jennifer sa sexual abuse ayha pa man nahitabo ang krimen.
Mibiya sumala pa ang nahisgutan sa nasud kaniadtong 2011 aron nga manarbaho sa Abu Dhabi ug masuportahan ang iyang duruha ka anak ug ginikanan.
Gikanayong nag-antus si Dalquez ug physical abuse gumikan kay nakaangkon kini ug mga samad sa iyang kalawasan ingon man paso sa sigarilyo nga binuhatan sumala pa sa iyang employer.
Nakasinate sab sumala pa ang nahisgutan ug sexual harassment ilabi na nga adunay mga panahon nga sila lamang sa iyang agalon ang mahibilin sa ilang panimalay.
Kaniadtong Mayo May 2015 nagpagula ang Al Ain Criminal Court ug hukom kang Jennifer Dalquez kalabot sa pagpatay niini sa iyang Emirati employer.
