DAVAO CITY – Mobalhin na sa national police headquarter sa Camp Crame si Supt. Antonio Rivera human kini gi-relieve sa iyang katungdanan isip deputy city director for administration.
Kini ang hinungdan nga nagpahigayon na sab ug Davao City Police Office (DCPO) ug lahugay sa ilang mga personahe pinasikad sa kamandoan ni Police Director General Ronald dela Rosa.
Kahinumduman nga si Rivera ang usa sa mga gitudlo sa DDS hitman nga si Edgar Matobato nga nalambigit usab sa mga pagpamatay sa siyudad.
Idestino sumala pa si Rivera sa police office nga maoy tahasan sa pagdumala sa mga permit alang carry firearms outside residence.
Ayha usab ang iyang gikatakda nga pagretiro sa Disyembre 2017, ibalhin sab kini sa police headquarters aron nga i-proseso ang iyang retirement papers.
Si Supt. Grecel Sagpang ang mihulip kang Rivera isip DCPO deputy director for administration.
Si Sagpang ang kanhi hepe sa Talomo Police Precinct nga gihulipan usab ni Chief Insp. Oliver Navales nga kanhi nadestino Investigation Detection and Management Branch (IDMB) sa DCPO.
