DAVAO CITY – Gitawtaw sa rebeldeng New People’s Army (NPA) nga tukma lamang ang ilang pag-ambus ug pagpatay sa upat ka mga police sa Sibayan, Bansalan, Davao del Sur sa milabay nga Merkules.
Sumala pa kang Rigoberto Sanchez, tigpamaba sa NPA Southern Mindanao ang nahisgutan nga mga police anaa sa ilang combat mission.
Tipik sumala pa sila sa mas daku nga contingent nga gipadala sa Barangay Sibayan human nga ang mga NPA mipatay sa usa ka sundalo, Marlon Lumanta nga padayon gihapon nga milusad ug intelligence work alang sa kasundalohan.
Sumala pa kang Sanchez nga sa wala pa ang pagpang-ambush, usa ka advance police team ang nahi-abot sa nahisgutan nga barangay.
Sumala pa niya nga atol sa pasi-unang boto-boto sa mga armas, ang NPA commander nga si Ka Greg, mi-awhag sa mga samdon nga mga police sa pagsurrender apan mipakita pa sumala pa ug pagsukol ang mga police.
Nanganti si Sanchez nga ipadayon gihapon sa mga NPA ang pagpunting sa mga lihitimo nga mga target mga mao ang kapolisan ug kasundalohan sa umaabot nga panahon.
