DAVAO CITY – Paig na nga nakaplagan ang usa ka 94 anyos nga lola sa miulbo nga sunog kaganinang alas 12:00 ang takna sa tungang kagabhi-on.
Nasayran nga balay lamang sa biktima ang gilamoy sa kalayo sa Santos Marketting Subdivision sa Bangkal apan wala maka-ikyas ug maayong pagkapaig sa biktima nga usa ka Marcosa ‘Nanay Isay’ Lucero.
Nasayran gikan sa mga silingan nga nag-inusara na lamang ang biktima gumikan kay pulos na minyo ang mga anak sa biktima.
Sumala sa usa sa mga anak sa tigulang nga mipugos ug uli ang tigulang sa ilang karaan nga balay ang ilang inahan kay nalouy kini sa ilang iro nga wala’y mopakla-on.
Migula sa imbestigasyon sa Talomo Police Station nga posibling usa ka lampara ang hinongdan sa miulbo nga sunog gumikan kay wala’y kuryente ang balay.
Gibana-bana nga singkwenta mil ka pesos ang danyos sa sunog.
