DAVAO CITY – Patay ang duha ka mga sakop sa rebeldeng New People’s Army (NPA) sa panagsangka sa mga sakop sa 60th Infantry Battalion Philippine Army sa Sitio Alungan ug Magdao, Sagayen, sa Doña Andrea, Asuncion, Davao del Norte.
Sumala pa kang Lt. Amadeos Celestial, Civil Military Officer sa 60th IB Philippine Army nga usa sa duha ka mga NPA naila na, samtang ang lain pang usa wala pa.
Hinoon ang duha na-turnover na ngadto sa Asuncion Police ug sa Asuncio LGU.
Duha ka mga AK47 ang nasakmit sa tropa sa kagamhanan, mga sobersibo nga mga dokumento, personal nga mga kagamitan ug cellphone.
Traynta ka mga sakop sa rebeldeng NPA ang gikasangka sa tropa sa kagamhanan nga mipahigayon ug combat operation sa dapit mga alas 10:05 kagahapon sa buntag.
Milungtad ug kwarenta minutos ang nahisgutan nga panagsangka.
Nakapabor ang tropa sa kagamhanan gumikan kay dunay close air support, ug augmentation support gikan sa kasikbit nga mga units sa kasundalohan ug sa kapolisan.
