DAVAO CITY – Anaa na karon sa kustodiya sa kasundalohan ang narekober nga landmine nga narekober sa Brgy. Lamanan Calinan District ning dakbayan sa Davao.
Matud pa kang Capt. Allenel Valles ang Public Information Officer sa 3rd infantry battalion, usa ka klase sa anti-vehicle landmine ang narekober nga ekplosibo diin susama sumala pa kini sa gipabusikad sa mga rebelde dihang nahitabo ang engkuwentro sa milabay nga semana nga gikamatay sa tulo ka mga sundalo ug gika-angol sa laing 16 pa ka mga biktima.
Kahinumduman nga hangtud karon, walay undang ang pagmonitor sa mga kasundalohan sa lugar sa Marilog ug Paquibato district human nga nanghasi na sab ang mga rebelde niining milabay nga adlaw diin gi-atake ang detachment sa mga sundalo sa Brgy. Inayangan Marilog district.
Nagtuo si Capt. Valles nga kung wala nila narekober ang nahisgutan nga landmine, posibleng adunay matala na usa mga nga sundalo nga biktima sa pagbusikad.
