-- ADVERTISEMENT --
DAVAO CITY – Mikabat ngadto sa P750 mil ka pesos ang gibana-bana nga namugna nga kadaut sa sunog nga mi-ulbo mga ala 1:30 kagahapon sa kaadlawon sa Santo Niño, Agdao Proper nga ubos sa pagdumala ni Barangay Captain Rodolfo Cagatin.
Sumala pa kang Fire Officer (FO) 2 Nepthali Pauleiño, imbestigador sa Bureau of Fire Protection sa dakbayan nga mga alas 2:00 sa kaadlawon nila nadawat ang alarma kalabot sa miulbo nga sunog.
Gigamitan nila ug teknik aron nga dili na makatabok pa ang kalayo ngadto sa uban pa nga mga balay human nga dese otso ka mga balay ang naugdaw.
Sumala pa kang FO2 Pauleño nga gumikan kay gama lamang sa kahoy, plywood, ug amakan ang mga balay labihan ka paspas ang pagkaugdaw sa mga pinoy-anan.
