NPA surrenderee gipatay sa mga kanhi kaubanan kay soud sa mga sundalo

DAVAO CITY – Gikatahapan nga mga sakop sa rebeldeng New People’s Army ang mipusil-patay sa usa ka lalaking gipusil-patay sa Sibulan, Toril, ning dakbayan sa Davao kagahapon sa hapon.

Nakahi-agum ang biktima nga usa ka Darwin Año ug lima ka mga samad pinosilan sa lawas ug ulo niini.

Nasayran nga usa ka kanhi rebelde si Año ug gika-ingong soud sa mga sundalo hinongdan nga gi-ambush patay sa mga NPA.

Una nang gipahayag sa igsuon sa biktima nga boutan ug wala’y atraso sa Barangay si Darwin.

Wala’y undang ang gihimong imbestigasyon sa Toril PNP sa nahisgutan nga pagpamusil-patay.