DAVAO CITY – Anaa sa unom ka mga panimalay ang gilamoy kalakip na 1 ka kapilya sa Mati City sa nahitabong sunog kagahapon sa hapon.
Gikanayong tulo ka mga balay ug ang kapilya ang totally damaged samtang partially damaged ang laing tulo.
Ang naugdaw nga panimalay ang gipanag-iyahan ni Epifania Mandaya, Noli Bartolome, Federico Lanos, Jason Beleta, Virgincita Lumangyao, Rommel Bacolod, ug Ramonciti Epis.
Subay sa inisyal nga imbestigasyon sa Bureau of Fire Protection (BFP), nahitabo ang sunog pasado ala una sa hapon ug gideklara kining fire out alas 3:06pm.
Gisubay pa karon sa BFP ang hinungdan sa sunod ug ang kantidad sa nadaut nga propedad. Samtang nakatunol na sab ug inisyal nga hinabang sama sa food packs ug P5,000 nag kantidad sa financial assistance ang City Social Welfare and Development Office (CSWDO).
Sa milabay nga Hulyo 7, lima sab ka mga residente sa Mati ang apektado sa sunog sa milabay nga Mayo 14 ang nakadawat ug P30,000 matag usa uban ang groceries nga gikan sa National Housing Authority inabagan sa City of Mati LGU ug ni Senator Christopher “Bong” Go.
