5 ka tawo, nakaangkon og samad human miigo ang bagyong “Dolphin” sa Japan

Nasamdan ang lima ka tawo human miigo ang bagyong Dolphin sa southern island sa Okinawa, Japan. Nakasinati usab og power interruption ang kapin 14,000 ka mga building tungod sa kusog nga epekto sa bagyo.Naapektuhan usab sa bagyo ang Amami Island sa Kagoshima Prefecture, dugang sa Okinawa.

Nakansela ang daghang flight tungod sa bagyo, lakip na ang mga flight nga padulong ug gikan sa China ug Taiwan.Nagtumong na paingon sa China ang bagyong Dolphin samtang nagpadayon ang paglihok niini.

Sumala sa Japan Meteorological Agency, miabot sa 162 kilometros matag oras ang kusog sa hangin sa bagyo, samtang nakaabot sa 216 kilometros matag oras ang pinakakusog nga pagbugso sa hangin.