Gipagawas sa Bangko Sentral ng Pilipinas ang month-ahead inflation forecast alang sa Abril 2026, diin gilauman nga mosaka ang inflation taliwala sa 5.6% hangtod 6.4%.
Matud sa BSP, misaka ang mga risgo sa pagtaas sa presyo tungod sa padayon nga pagmahal sa mga produktong petrolyo sa nasud, pagtaas sa presyo sa mga basic nga pagkaon sama sa bugas, isda, ug karne, mas taas nga bayarin sa kuryente, ug ang paghinay sa piso batok sa dolyar.
Bisan og gilauman nga makatabang ang pagkunhod sa presyo sa mga gulay ug prutas aron mamenosan ang inflation, nagpabilin gihapon ang mga “upside risks” nga kinahanglan bantayan.
Gipasalig sa BSP nga magpabilin silang alerto ug magmonitor sa mga umaabot nga datos, ilabi na sa inflation ug sa kahimtang sa ekonomiya.
Dugang pa, padayon usab nilang ginabantayan ang mga panghitabo sa Tungang Sidlakan kay posibleng makaapekto kini sa presyo sa lana ug sa kinatibuk-ang kalihokan sa ekonomiya.
