DAVAO CITY – Padayon ang ensayo sa 40 ka mga partisipante sa Bombo Bancarera 2018 sa Bombo Radyo at Star FM Mindanao Circuit Davao league aron nga madag-an ang dagko nga mga premyo.
Karong Sabado na, August 18, 2018 ipahigayon sa Times Beach, Ecoland, ning dakbayan na Davao ang Bombo Bancarera 2018 nga diin ang Champion makadawat sa P20 mil ka pesos nga premyo, ang first runner-up P10 mil ka pesos, ug ang 2nd runner-up P5 mil ka peso.
Ang rider nga si Aljed Sapilin nga taga-Digos City, Davao del Sur todo ensayo ug nagpakondisyon sa iyang gamiton nga bangka aron nga dili maunhan sa uba pa nga mga karibal sa Bancarera.
Sumala pa kang Aljid panglima ka higayon na niya nga pag-apil sa Bancarera karong tuiga.
Pipila ka mga ganti na sab ang iyang nadag-an.
Samtang si Gilbert Garinggo, financiers sa mga bangka nga panglumba gikan sa Sarangani namahayag nga lima ka mga bangka ang iyang isalmot sa Bombo Bancarera 2018.
Labihang pagbansay ang iyang gipahigayon aron nga mamahimong hanas ang iyang mga riders ug ma-angkon ang championship sa Bombo Bancarera 2018 ng Bombo Radyo at Star FM Mindanap Circuit Davao League.
Nasayran nga bag-o lang nahimong champion ang iyang rider.
