DAVAO CITY – Nakatala sumala pa ang Philippine Drug Enforcement Agency (PDEA)-Davao ug kinatibuk-ang 39 ka mga menor de edad nga ilang naluwas atol sa ilang gilusad nga mga anti-illegal drug operations gikan Enero hangtud Oktubre 2019.
Sumala pa kang Iav Brenda Joy Congreso Pollisco, sa Children and Women Welfare Office (CWWO) sa PDEA-Davao, nga base sa ilang data, adunay pagsaka sa ihap sa mga bata nga nalambigit sa ginadili nga droga.
Hinuon gitino sa nahisgutan nga manageable pa ang nahisgutan nga kaso.
Gikanayong sa 39 ka ihap, 29 niini ang mga lalaki samtang 10 ang mga babaye.
Sagad sumala pa nga malambigit ang mga menor de edad sa shabu ug marijuana.
Ang pinakabata nga CWWO nga naluwas ang anaa sa 14 anyos samtang pinakatigulang ang 17 anyos.
Sagad sumala pa sa mga rason sa dinakpan mao ang pagtabang sa ilang mga ginikanan.
Sa kasamtangan, nagpabilin sumala pa nga hagit sa ahensiya ang pagkalambigit sa mga menor de edad sa illegal drug trade.
Sa kasamtangan, palig-onon sumala pa nila ang ilang mga programa sama sa pagpatuman sa Oplan Sagip Batang Solvent ug Sangguniang Kabataan Standard Training in Extensive Anti-Drug Preventive Education usa ka uniform program alang sa mga youth leaders.
