DAVAO CITY – Kinatibuk-ang P5 Million pesos nga balor sa farm tools ug farm inputs ang gitunol ngadto sa tulo ka Peoples’ Organizations atol sa turn-over ceremony nga gipangunahan sa Provincial Local Government Unit sa Davao del Sur nga gipahigayon sa Brgy. Colonsabac ug Brgy. Asbang, nga sagad sakop sa lungsod sa Matanao, Davao del Sur.
Duha ka organisasyon ang parehong nakadawat og P1.5 million ug usa ang nakadawat og P2 Million pesos nga balor sa farm implements ug starter kits gikan sa P40 Million nga pundo alang sa nasangpit nga barangay.
Dugang pa, ang nasangpit nga mga Peoples’ Organization sagad gilangkuban sa Katawhang Lumad gikan sa Tribung B’laan ug kanhi miyembro sa Underground Mass Organizations sa Communist Terrorist Group (CTG).
Gikanayong ang P40 milyones nga pundo gikan sa Barangay Development Program (BDP) sa National Task Force in Ending Local Communist Armed Conflict.
Ang duha ka lugar gikaingong kanhi Communist Terrorist Group (CTG) influenced barangays, apan na-clear kini human sa malampusong pagpahigayon sa Retooled Community Support Program (RCSP) sa 39th Infantry Battalion ubos sa 10th Infantry Division.
Dugang pa, ang nahabilin nga kantidad igahin alang sa road concreting ug uban pang mga proyekto sa imprastraktura sa maong dapit.
Via || Bombo Bryan Chin Abe
