DAVAO CITY – Igo na lamang sa pagtahan ug wala na nakapalag ang duruha ka mga lalaki kinsa gisikop sa otoridad human nga namaligya kini ug ginadili nga druga.
Una ng gipangunahan ang buy bust operation sa mga personahe sa Toril Police Station inabagan sa 1105th MC RMFB 11, TSC RMFB 11 ug CMFC DCPO.
Naila ang mga dinakpan nga sila si alyas “YAYO”, 38 anyos, ulitawo, walay trabaho residente sa Block 3, Macleod, Toril ning syudad ug si alyas “RYAN”, 37 anyos, nanimuyo sa Purok 8, Marapangi 3, Toril ning syudad, human kini napalitan ug kapin 500 pesos nga shabu sa Block 3, Macleod, Toril, Davao City pasado alas siete kagabie.
Narekober gikan sa ilang posisyon ang lain pang upat ka mga pakete sa illegal nga druga ug uban pang ebidensiya sa ilang gipahigayon nga transakiyon.
Susamang mag-atubang ang mga dinakpan ug kasong paglapas sa R.A. 9165 (Comprehensive Dangerous Drug Act).
Gumikan sa pagkasikop sa mga nahisgutan, daku ang pagtoo sa otoridad nga mamahimong makunhuran na ang mga kasol sa pagpamaligya ug illegal nga druga sulod sa area of responsibility sa Toril.
