Nagpabiling ubos sa Alert Level Alpha ang 16 ka probinsiya sa Luzon bisan pa sa padayon nga paghuyang sa Bagyong Maymay, sumala sa Department of the Interior and Local Government (DILG) – Central Office Disaster Information Coordinating Center (CODIX).
Lakip sa mga probinsiya nga sakop sa alerto ang Abra, Apayao, Aurora, Benguet, Cagayan, Ifugao, Ilocos Norte, Ilocos Sur, Isabela, Kalinga, La Union, Mountain Province, Nueva Ecija, Nueva Vizcaya, Pangasinan, ug Quirino.
Sumala pa sa DILG-CODIX, ang maong mga probinsiya anaa sulod sa 330-kilometro nga radius sa bagyo ug gilaoman nga makasinati og pagbugso sa hangin nga moabot sa 55 kilometro matag oras.
Dugang pa niini, nagpadayon ang hulga sa kasamtangan ngadto sa kusog nga ulan nga mahimong molungtad sulod sa pipila ka oras ug posibleng hinungdan sa pagbaha sa ubang mga lugar.
