Kabsan sa kinabuhi ang usa ka lalaki samtang duha usab ang angol human sa pagnagbangga sa duha ka motorsiklo sa Brgy.Magdum, Tagum City, kagahapon.
Giila ang nakabsan sa kinabuhi nga si Norbing Antolin, 60 anyos, residente sa Prk. Lemon, Brgy. Pandapan, Tagum City.
Subay sa inisyal nga imbestigasyon, samtang patabok sa dalan si Norbing niadtong higayona, wala damha niining adunay nagpadulong nga motorsiklo rason nga nagbangga kini tunga sa dalan.
Gumikan sa kakusog sa impact, nalagpot si Norbing uban ang duha ka sakay sa kaengkwentro niining motorsiklo kinsa daling gidala sa balay tambalanan.
Wala na naluwas pa si Norbing ug gideklara na lamang kining dead on arrival. Ning kasamtangan, padayon pa ang ginalusad nga imbestigasyon kalabot sa maong insidente.
