Nahimong emosyonal ang usa ka noontime show gumikan sa gipadayag nga storya sa usa ka contestant nga adunay alopecia.
Ang alopecia ang usa ka kondisyon kung diin makasinati ang usa ka indibidwal og hair loss o pagkalagas sa buhok.
Sa maong episode, gipadayag sa contestant nga si April ang iyang kasinatian sa kanhi trato niini human siya gibiyaan gumikan sa iyang kondisyon.
Dugang pa ni April nga sukad kaniadto, nahimo na niyang insecurity ang iyang kondisyon nga nakatampo og dakog epekto sa iyang kinabuhi.
Nawal-an matud pa og confidence si April ug miresulta pa sa pagkwestyun niini sa iyang kaugalingon kabahin sa iyang kasinatian.
Apan ayha paman nahuman sa pagpadayag sa iyang storya si April, way pagduha-duha nga gitanggal sa host nga si Vice Ganda ang iyang wig aron sa pagsuporta kaniya.
Matud pa ni Vice, kita tanan moagi sa panahon kung diin makabati kitang adunay kakulangan ug wala sa atoa, apan dili matud pa kini rason aron hikawan ang kaugalingon sa paghigugma.
Gumikan niini, napuno og luha ang studio gumikan sa mga maanindot nga mensahe nga gibutyag sa host alang kay April.
Sigon ni Vice, mas maayong maggikan sa kaugalingon ang paghigugma.
Nahimong emosyonal ang kadaghanan sa pagbinayloay og mensahe sa duha diin sa kaulahian, gibutyag ni Vice ang linyang “may buhok man o wala, may nagmamahal sayo”.
Niani og daghanang pag-uyon sa netizens ang gibutyag ni Vice sanglit nagsilbi kining pahinumdom sa publiko nga bisan kanus-a, wala nakabase sa ubang tawo ang katahom kondi naggagikan sa kaugalingon
