Gipahimangnoan ni US President Donald Trump nga motubag ug mosukol ang Estados Unidos batok sa Iran human sa giingong pag-atake sa mga base militar sa US sa Jordan. Sumala pa kang Trump, dili pasagdan sa iyang administrasyon ang maong insidente bisan pa sa nagpadayon nga mga paningkamot alang sa peace negotiations sa rehiyon.
Dugang pa, niadtong Miyerkules, nagpahigayon ang Saudi Arabia og airstrike batok sa mga giingong militanteng base sa Iraq, samtang giakusahan sa Israel ang Hezbollah nga milapas sa kasabutan sa negosasyon. Kahinumduman nga sa miaging duha ka adlaw, nagtaho ang Saudi Arabia sa drone attack gikan sa Iraq nga nagtumong sa ilang mga crude oil facilities.
Sa pagkakaron, padayon ang pagtaas sa tensiyon sa tungang sidlakan samtang gibantayan sa mga nasud ang kahimtang sa rehiyon.
