DAVAO REGION- Gikabutyag ni Atty. Gay Enumerables ang Assistant Regional Director sa Comelec XI, nga nahimong hapsay ang unang lima ka adlaw sa Certificate of Candidacy filing sa rehiyon onse.
Sigon pa niini nga sa milabayng lima ka adlaw sa filing, pa-usa usa pa lamang ang mi-file sa ilahang COC ilabi pa sa mga probinsya nga bahin.
Pagbutyag pa niini nga base sa ilahang datos, kagahapong adlawa anaa na sa 207 ka mga indibidual ang nakafile og COC alang sa nagkadaiyang posisyon sa tibuok rehiyon onse.
Kahinumdumang nagsugod ang COC filing niadtong Oktubre 1 og molungtad kini hangtod Oktubre 8 ning tuiga.
Sumala pa sa maong opsiyal nga wala nay mahitabong lugway alang sa COC filing apan pagpaklaro niini nga sa umaabot nga ulahing adlaw sa filing og anaa na sa premises sa Comelec ang usa ka buot mag-file, kini ang pagadawaton gihapon.
