DAVAO CITY – Nagpagawas ug official statement ang University of Mindanao mahitungod sa kalambigitan sa mga suspek sa hazing nga gikamatyan sa usa ka 19-anyos nga Criminology student ug neophyte kon matud pa bag-ong myembyo sa Alpha Kappa Rho nga si August Ceazar Saplot nga naplagan ang patayng lawas sa Mandug, Buhangin ning dakbayan.
Gikondena sa UM ang maong kalihukan nga nagahatag ug pagpakaulaw sa tulunghaan, ug pagbangutan sa nabiyaang pamilya.
Dugay nang gipangpapha ang tanang mga fraternities sa unibersidad nga magtugot sa mga initiation rites subay sa Republic Act 8049 kon Anti-Hazing Law.
Dungag pa sa UM, dili affiliated ang Alpha Kappa Rho, Alpha Delta Chapter sa tulunghaan, gawas sab sa pagpahigayon sa maong initiation rites sa gawas sa university premises nga subling gikondena sab sa institusyon.
Nagpaabot ug pahasubo ang UM sa pamilya sa usa sa ilang mga estudyante ug padayong nakig-alayon sa kapulisan sa hinaling hustisya ug pagpasilot sa mga nalambigit sa maong krimen.
via || Bombo LJ Florendo
