DAVAO CITY- Ginalantaw nga ang pagpahigayon og trade expo ang makatabang gayud sa pagpalambo sa ekonomiya sa nasud taliwala paman sa nasinatiang pandemya.
Kini mismo ang gikanayon sa Chairperson sa Senate Committee on Food and Agriculture nga si Senador Cynthia Villar atol sa gipahigayong Davao Agri Trade Expo 2022.
Dugang pa niini, ang agrikulutra sa Mindanao ang magadala og paglaum ug dakong oportunidad alang sa inclusive growth diin pangunahan kini permi sa Philippine Chamber of Commerce and Industry kon PCCI uban ang Mindanao Business.
Gipresenta usab sa maong senador nga ang RA 11901 o The Agriculture, Fisheries and Rural Development Financing Enhancement Act of 2022 mao ang mi-revoked sa Agri-Agra Law nga napakyas sa paghatag og mga programa alang sa pagpahulam sa mga benepisyaryo ug uban pa nga mga mag-uuma.
Ilawom sa RA 11901, pagalangkuban niini ang agrikultura, panagat ug rural development financing system lakip na usab ang loans ug investment aron mapalambo ang produktibidad ug kita sa mga mag-uuma, mananagat ug uban pa nga mga benepisyaryo.
Gitapos sa maong senador ang iyang pamulong pinaagi sa pag-welcome pag-usab sa misalmot nga mga bisita gikan sa nagkalain-laing mga sektor sa negosyo.
