DAVAO CITY – Nagsubo karun ang pamilya sa usa ka senior citizen sa Purok 9, Malinawon, Barangay La Filipinas, Tagum City, Davao del Norte, tungod sa iyang kamatayon gumikan sa pagka-trap niini sulod mismo sa iyang nasunog nga balay sa miaging gabii.
Nailhan ang biktima nga si Pablo Calamba, 88 anyos.
Subay sa imbestigasyon, naugdaw ang panimalay sa nahisgutan tungod sa short circuit.
Naningkamot ang tiguwang nga makagawas sa higayong niulbo ang kalayo, apan wala na kini makahimo sa paggawas o pagtabok sa pikas balay tungod daling mikuyanap ang kalayo sa iyang panimalay nga gama lamang sa pipila ka mga light materials.
Naapil sab kaugdaw sa sunog ang iyang patayng lawas.
Nagpadayon gihapon ang imbestigasyon mahitungod sa insidente.
VIA || Bombo LJ Florendo
