DAVAO CITY – Misaad ang Sampling Survey International (SSI) nga ipadayon nila ang suporta sa ilang mga displaced employees ug sa mga nahibilin nga pamilya sa mga biktima sa nahitabong sunog sa NCCC Mall Davao nga mikalas ug 37 ka mga kinabuhi sa SSI agents.
Gani, anaa na matud pa sa $115,000 o P5.7 million ang napagula nila nga assistance.
Bisan tuod nga nasuspendi ang operasyon sa kompanya, magpadayon sumala pa ang kompensasyon sa ilang mga empleyado.
Nagpadayon sab sumala pa ang ilang counseling sa mga empleyado ug pamilya sa mga biktima.
Nasayran nga anaa sa 500 ka mga empleyado ang naka-hire sa ilang kompanya diin sagad niini mga call center agents.
Gihatagan sab sumala pa sa kompanya ang mga pamilya ug financial assistance gawas sa pundo nga ilang natigom diin sa kasamtanghan, diin gikatakdang ipod-apod sa mosunod nga mga adlaw.
