Gipasalig ni House Speaker Faustino “Bojie” Dy III nga mahimong mas transparent, dunay tulubagon, ug mas nakapunting sa panginahanglan sa katawhan ang paghisgot sa P7.2 trilyon nga proposed 2027 National Budget sa Kamara.
Sumala pa kang Dy, ipadayon sa House of Representatives ang mga repormang gipatuman atol sa miaging budget deliberations, lakip ang mas hugot nga mga lakang sa transparency ug security aron masiguro ang integridad sa gisugyot nga nasudnong badyet.
Dugang pa niini, matud pa niya, makahatag og dakong tabang ang bag-ong gilunsad nga LegisHear pinaagi sa paghatag og higayon sa mga komunidad nga ipadayag ang ilang mga prayoridad sa dili pa pinal nga aprobahan ang pondo alang sa 2027.Matud pa sa House Speaker, dugangan pa sa Kamara ang mga lakang aron mapalig-on ang seguridad ug masiguro nga hapsay, matinud-anon, ug tukma ang 2027 National Budget nga ipasar.
Sa pagkakaron, nagpadayon ang pagpangandam sa Kamara alang sa deliberasyon sa proposed 2027 National Budget, nga gilauman nga mosentro sa transparency, accountability, ug sa mga prayoridad nga panginahanglan sa katawhan.
