Gipakita sa Senegal ang dominante nga dula human gipildi ang Iraq, 5-0, sa ilang panagsangka sa Group I sa 2026 FIFA World Cup nga gihimo sa BMO Field sa Toronto, Canada.
Sumala pa, gisugdan ni Habib Diarra ang opensa sa Senegal pinaagi sa unang goal sa ika-upat nga minuto, gisundan dayon ni Ismaïla Sarr, samtang midugang og duha ka sunod-sunod nga goal si Pape Gueye sa ikaduhang bahin sa dula.
Dugang pa niini, gidugang ni Iliman Ndiaye ang ikalimang goal sa ika-82 nga minuto aron hingpit nga maselyohan ang dako nilang kadaugan.
Sa kasamtangan, nakuha sa Senegal ang ilang unang puntos sa torneo ug nakasulod sa sunod nga hugna isip ikatulong placer sa Group I. Samtang na eliminate ang Iraq human mahuman ang group stage nga walay nakuhang bisan usa ka puntos ug adunay goal difference nga -11.
Kahinumduman, kapin sa 43,000 ka mga fans ang misaksi sa maong dula, nga nagpamatuod sa padayon nga dakong suporta sa 2026 FIFA World Cup.
