Gipasiugda ni Sonny Matula, presidente sa Federation of Free Workers (FFW), nga walay hurisdiksiyon ang mga regular nga korte sa mga isyung adunay kalabotan sa pasweldo human kini moagi sa konsultasyon sa Regional Tripartite Wages and Productivity Board (RTWPB).
Gihimo ni Matula ang pahayag human magpagawas og temporary restraining order (TRO) ang Pasig Regional Trial Court (RTC) batok sa ₱85 nga dugang sa minimum wage sa Metro Manila.
Nagkanayon si Matula nga dako ang ilang kasagmuyo sa desisyon sa Pasig RTC tungod kay dugay nang naghulat ang mga mamumuo alang sa dugang sa ilang sweldo.
Gipunting usab niya nga klaro sa Article 126 sa Labor Code of the Philippines nga ang RTWPB lamang ang adunay awtoridad sa pagdesisyon bahin sa sweldo ug dili kini angay hilabtan sa mga regular court.
Dugang pa niini nga angay depensahan sa Department of Labor and Employment (DOLE) ang pagpatuman sa ₱85 nga dugang sa inadlaw nga sweldo sa Metro Manila aron masiguro nga makabenepisyo ang mga trabahante sa gitakdang umento.
