DAVAO CITY – Nagpahimangno ang Davao City Police Office (DCPO) sa ilang mga personahe kalabot sa tukma ug luwas nga paghupot sa ilang service firearms.
Tipik lamang kini human ang ulahing insidente sa kamatayon sa senior police officer sa Toril precinct human nga na-unay sa iyang kaugalingon nga armas.
Matud pa kang city police director Sr. Supt. Alexander Tagum, angayan nga adunay regular nga marksmanship ug gun safety handling training sa mga personahe aron nga malikayan ang disgrasya.
Matud pa kang Tagum, posibleng nasobrahan ug kahago si SPO3 Rosebelt Angcon ug nahagbong ang iyang .45 pistol nga hinungdan sa pagboto ug aksidente kini nga na-igo nga maoy hinungdan sa iyang kamatayon.
Gipadaplin na sab sa kapulisan ang posibilidad nga adunay foul play sa maong insidente.
