DAVAO CITY- Mitubag na ang kapulisan kalabot sa nahitabong pagtinubagay sa usa sa legal counsel sa KOJC ug usa ka pulis niadtong nakalabay nga adlaw.
Kahinumdumang kini ang gumikan sa pagtanggal ni Atty. Adam Jambangan sa mga gibutang nga wanted pictures nila Pastor Quiboloy ug uban pa niining mga kaubanang akusado.
Pagrason pa sa mga kapulisan nga ginapakatag kini sa tibuok nasud gumikan tinuod matud pa nga ginapangita ang maong pastor.
Apan , insister ni Atty. Jambangan nga dili mamahimong buhaton sa mga kapulisan ang pagbutang og mga poster sa gate sa KOJC gumikan kini usa ka private property.
Sumala pa ni Police Major Catherine Dela Rey, ang tigpamaba sa Police Regional Office XI nga ang maong lakang sa kapulisan ang nahisubay sa saktong lakang ug proseso.
Samtang sa pikas bahin nangayo usab og kumpirmasyon si Atty. Israelito Torreon, ang legal counsel sa Kindom of Jesus Christ ngadto kang PNP Chief Rommel Francisco Marbil gumikan sumala pa sa gikalot sa kapulisan sulod sa Jose Maria College.
Sa post ni Torreon, nangutana kini kang Marbil gumikan nahibulong matud pa kini sa mga panghitabo.
