Pormal nang gipulihan ni PCOL Vianney Ross B. Lagundi si PCOL Sherwin M. Butil isip Provincial Director sa Davao Occidental Police Provincial Office o DOcPPO atol sa turnover of office ceremony niadtong Nobyembre 20, 2026.
Gitambongan ang seremonya ni Deputy Regional Director for Administration PCOL Harry B. Domingo, nga midumala sa pormal nga pagbalhin sa pagpangulo sa kapulisan sa probinsya.
Isip pag-ila sa iyang serbisyo, gihatagan si PCOL Butil sa Medalya ng Kasanayan o PNP Efficiency Medal tungod sa iyang dedikasyon ug mga kontribusyon atol sa iyang pagpangulo sa DOcPPO.
Gidayeg ni PCOL Domingo ang outgoing director ug giawhag ang bag-ong provincial director nga ipadayon ang mga nahimong kalampusan sa opisina, samtang tutokan ang mga aspeto nga nanginahanglan pa og kalamboan.
Gipasiugda usab niya ang panaghiusa ug pagtinabangay sa mga opisyal ug personnel sa kapulisan, lakip ang padayon nga pakigtambayayong sa Provincial Government ug uban pang sektor aron mapalig-on ang mga programa ug serbisyo sa PNP.











