DAVAO CITY – Isip kabahin sa internal cleansing sa kapulisan, gipailalom kagahapong adlawa ang 55 ka mga commissioned officers sa suprise drug test sa grand stand sa Camp Quintin Mericido ning dakbayan sa Davao.
Sumala pa kang Police Brig. General Marcelo Morales, director sa Davao City Police Office (DCPO) nga tumong niini nga masigurong wala nalambigit ang mga sakop sa kapulisan sa paggamit ug illegal nga droga.
Hinuon anaa sa siyam ka mga police officer ang wala nahilakip sa drug test gumikan kay naka-official leave, nag-schooling ug ang pipila niini ang hapit na nga moretiro sa ilang serbisyo.
Nagtuo si Morales nga pinaagi sa nahisgutan nga lakang, mas mosalig pa kanila ang katawhan ug mahatag nila ang gikinahanglan nga serbisyo.
Ang pagpailalom sumala pa sa kapulisan sa drug test usa sab ka lakang aron nga suportahan ang kampanya sa kasamtangang administrasyon batok ginadili nga droga.
