DAVAO CITY – Subling gibalik karon ang People’s Law Enforcement Board (PLEB) pinaagi sa gipagulang executive order nga gilagdaan ni Mayor Sara Duterte-Carpio.
Kahinumduman nga lima ka mga miyembro gikan sa nagkadaiyang representante sa matag legislative districts sa siyudad ang kalakip sa maong grupo.
Ang ituboy nga miyembro sa PLEBS alang sa unang distrito ang gilangkuban nila ni Konsehal Leah Librado- Yap, Nora Fe Alajar, Atty. Policarpio Maypa Jr., Atty. Jonathan Jocom ug Barangay Captain Albert D. Baguilod.
Samtang sa ikaduhang distrito gilangkuban kini nila ni Konsehal Cherry Ann Bonguyan, Liwayway Caligdong, Atty. Elijah Pepito, Atty. Joselito Sevilla ug Barangay Captain Celeste Rin.
Ang PLEB members sa third district gilangkuban nila ni Konsehal Conrado Baluran, Myrna L’Dalodo, Atty. Rodrigo Tongo, Atty. Sylvanio Liza, ug Barangay Captain Ramon Bargamento II.
Sumala sa PLEB ang matag distrito sa siyudad makadawat ug technical ug administrative assistance gikan sa DILG Davao City Office.
Kalakip sab sa annual budget o supplemental budget ang corresponding per diems sa matag miyembro sa PLEB ingon man ang uban nga allowable maintenance, operating, ug incidental sa PLEB.
