Nakabalik na sa Pilipinas ang 90 ka Overseas Filipino Workers (OFW) uban ang ilahang mga pamilya nga gikan sa United Arab Emirates (UAE) tungod sa nagpadayon nga kagubot sa Middle East.
Sumala sa Department of Migrant Workers (DMW), miabot ang mga OFW kagabii (Marso 8 ) sa Ninoy Aquino International Airport (NAIA) Terminal 3.
Lakip niini ang 33 ka mga OFW nga misugot sa programa sa gobyerno alang sa pagpahikling o repatriation, samtang ang uban mao ang mga OFW nga na-stranded sa Dubai.
Gisugat usab sila sa mga opisyal sa DMW nga gipangulohan ni Hans Leo Cacdac, Secretary sa DMW, uban sa mga personnel gikan sa Department of Social Welfare and Development (DSWD).
Subay sa datos, sukad Marso 5, mokabat na sa 399 ka OFW ug 12 ka dependents ang luwas nga nakabalik sa nasud tungod sa nagpadayon nga tensyon sa Middle East.
Dugang pa niini, sumala sa Department of Foreign Affairs (DFA), adunay 11 ka Filipino nga luwas nga nakagawas sa Iran ug gidala ngadto sa Turkey.
Sa kasamtangan, padayon gihapon ang paningkamot sa DFA sa pagtabang sa kapin 800 ka mga Filipino nga anaa pa sa Iran.
