DAVAO CITY- Magpadayon gihapon ang pagsaulog sa 39th Anniversary and Feast of the Passover sa The Kingdom of Jesus Christ karong adlawa.
Kini nunot pa man sa matud pa pagbawal sa mga kapulisan nga gamiton sa mga missionaries ang KOJC Cathedral.
Pagbutyag sa mga miyembro sa KOJC nga ang ang maong kalihukan ang mahitabo unta sulod sa maong Cathedral.
Kahinumdumang kagahapong adlawa, gikurdon sa mga kapulisan ang gawas sa maong cathedral na ginatuuhan usab sa mga miyembro sa KOJC nga gihimo na kining command center sa PNP.
Kahinumduman usab nga una ng nagpadayag sa iyahang kasubo og kadismaya ang usa ka KOJC Legal Counsel nga si Atty. Israelito Torreon gumikan sa wala pagtugot sa mga kapulisan.
Dugang pa niini nga makasubo huna-hunaon gumikan imbis nga mahimong malipayon ang ilahang selebrasyon, daghanan ang wala nalipay ilabi pa nga dili gihapon pwede gamiton sa mga KOJC members ang ilahang simbahan bisan pa man sa ilahang sinimanang pagsimba gumikan matud pa gihimo na kining murag command center sa mga kapulisan.
Sukad kagahapong adlawa, nagbutang na ang PNP og mga personahe sa gate sa KOJC aron matud pa irekord ang tanang mga mosulod ug mag-inspection sa mga gamit nga isulod sa compound.
Nagpadayag usab og kabalaka si Atty. Torreon sa nadawatan nilang intelligence report nga matud pa adunay mahitabong media blackout sa mga panghitabo sa KOJC Compound.
