Wala na kinahanglana sa nasud ang pagpanghilabot sa International Criminal Court (ICC) paghiabot sa justice system sa Pilipinas aron pagahisgutan ang iligal nga droga.
Matod pa ni Pangulong Ferdinand Marcos Jr., gibasura na sa Muntinlupa Regional Trial Court ang ikatulo ug katapusang drug case ni kanhi Senador Leila de Lima homan ang pito katuig, sukad gipasakaan ug kaso ang nahisgutang magbabalaod.
Dugang pa niini nga klarong migana ang sistema sa balaod sa nasud.
Dili usab ikalimod nga giimbestigahan sa ICC ang matod pa crimes against humanity ubos sa kontrobersyal nga drug war ni kanhi Pangulong Rodrigo Duterte.
Gipahayag sa Presidente nga dili bag-uhon sa gobyerno sa Pilipinas ug magpabilin ang posisyon niini batok sa imbestigasyon sa matod pa pagsupak sa tawhanong katungod sa war on drugs sa nakalabayng administrasyon.
Matod pa sa Pangulo nga walay jurisdiction ang ICC sa Pilipinas. Sa katapusang kaso niini, giakusahan ang kanhi magbabalaod nga kakunsabo sa negosyo sa iligal nga droga sulod sa maximum-security compound sa New Bilibid Prison isip kanhi justice secretary nga adunay supervisory powers sa national penitentiary.
Nasuhulan usab kuno kini ug mukabat sa P70 milyon sa Bilibid convicts nga gigamit sa pagkandidato sa pagka-senador niadtong 2016.
