Nanginahanglan pa og dugang nga ebidensya ang Office of the Ombudsman batok kang former Executive Secretary Lucas Bersamin ug ubang personalidad nga nalambigit sa iregularidad sa 2025 National Budget.
Sumala kang Assistant Ombudsman Mico Clavano, apil sa maong kaso si former Executive Secretary Lucas Bersamin, former Usec. Adrian Bersamin sa Presidential Legislative Liaison Office, ug former Education Usec. Trygve Olaivar.
Nagtumong ang kaso sa giingong “grand conspiracy” aron limbongan o ma-fraud ang nasudnong budget alang sa tuig 2025.
Sa pagkakaron, anaa pa kini sa “fact-finding stage,” diin gisusi pag-ayo sa ahensya ang mga ebidensya ug dokumentong nadawat niini.
“They are included in the second case, which the Ombudsman already described as a grand conspiracy to defraud the budget of the 2025 budget. So in that sense, that case is still in fact-finding, and we are sifting through the facts and the documents that were given to us,” matud ni Assistant Ombudsman Mico Clavano.
Ang mga nasangpit nga opisyal, adunay kalabotan sa alegasyon ni former Department of Public Works and Highways Usec. Roberto Bernardo nga nalambigit sa maong iregularidad.
Dugang pa ni Ombudsman Spokesperson Clavano, lahi ang maong kaso kumpara sa ubang mga kaso nga kasagarang gidala sa Office of the Ombudsman.
