DAVAO CITY – Nagpaklaro ang Office of the Civil Defense 11 nga dili gama sa usa ka volcanic activity ang natigayong linog sa Davao de Oro.
Gawas kana sa gikabalak-ang pag-alburuto sa Mt. Leonard Kniaseff nga nakitaan og pagbukal-bukal sa tubig sa lawa niini human sa natigayong linog sa probinsya.
Gikanayon ni Franz Irag, chief of operations sa OCD 11, tectonic ang origin sa mga nahitabong pag-uyog sa yuta sumala pa sa mga naunang pahayag sa PHIVOLCS.
Apan, posible lamang maka-trigger og pagbuto sa bulkan kon ang usa ka linog kung makab-ot niini ang lebel sa ilawom sa yuta diin asa nahimutang ang magma level.
Gipaklaro sab sa opisyal nga walay kalabutan ang magma level sa mga aftershocks nga nasinatian sa probinsya.
Nagpadayon gihapon ang pagtuon sa PHIVOLCS mahitungod sa gikatahong volcanic activity sa maong bungtod ug lakip na ang sitwasyon sa mga earthquake affected areas.
Tumong sa duha ka grupo nga gipakatag sa ahensya nga masayran ang tinubdan sa nagsagunsong linog sa Davao de Oro.
via || Bombo LJF
